د شهيدانو او معلولينو چارو وزارت مسوولينو د تدارکاتي پروسو د روڼتيا او چټکتيا په موخه ناسته وکړه
د شهيدانو او معلولينو چارو وزارت مسوولينو د تدارکاتي پروسو د روڼتيا او چټکتيا په موخه ناسته وکړه
نن شنبه د کب په ۱۶مه، د شهيدانو او معلولينو چارو وزارت په مالي او اداري عمومي رياست کې په تدارکاتي پروسو کې د چټکتيا او روڼتيا رامنځته کیدو په پار ناسته وشوه او په اړونده مسايلو يې هر اړخيز بحثونه وکړل.
په دغه ناسته کې د عامې روغتيا وزارت د تدارکاتو مسوولينو هم برخه اخيستې وه او د دواړو وزارتونو مسوولينو د تدارکاتو پروسو په برخه کې د همکارۍ او همغږۍ پر زياتوالي ټينګار وکړ او د ګډ کار لپاره يې پر مهمو فرصتونو او ګډو فعاليتونو خبرې وکړې.
د ناستې په پای کې پرېکړه وشوه، چې د تدارکاتي پروسو د چټکتيا او روڼتيا لپاره به دواړه دولتي ادارې په ګډه کار کوي، اړونده چارې به په پوره همغږۍ تعقیبوي او د محسوسې پايلې ترلاسه کولو لپاره به خپلو هلو ځلو ته دوام ورکوي.
