د شهيدانو او معلولينو په چارو کې د دولت وزير لعل الدين آريوبي د خوست له مستوفي سره ليدنه وکړه
د شهيدانو او معلولينو په چارو کې د دولت وزير لعل الدين آريوبي د خوست له مستوفي سره ليدنه وکړه
نن سه شنبه (۱،تلې)، د شهيدانو او معلولينو په چارو کې د دولت وزير، لعل الدين آريوبي خوست ولايت ته د خپل ولايتي سفر په ترڅ کې، د خوست ولايت له مستوفي سره د شهيدانو او معلولينو د حقوقو او امتيازاتو د ورکړې او بانکي سازۍ په تړاو ناسته وکړه.
په دغه ناسته کې له ښاغلي آريوبي صيب سره د خوست محترم والي محمد صديق پتمن او د خوست د شهيدانو او معلولينو چارو آمر هم ګډون درلود.
ښاغلي آريوبي د شهيدانو وارثينو او معلوليت لرونکو وګړو ته د حقوقو او امتيازاتو د ورکولو په برخه کې د اسانتياوو را منځته کولو او بانکي سازۍ په هکله خپل وړاندېزونه، غوښتنې او لارښونې د خوست له محترم مستوفي سره شريکې کړې.
د خوست مستوفي له ښاغلي لعل الدين آريوبي او ور سره مل پلاوي څخه مننه وکړه، چې د خوست جګړو ځپلو ولسونو د ستونزو د هوارېدو په پار يې دغه ولايت ته سفر کړی او د شهيدانو وارثينو او معلوليت لرونکو وګړو ته د امتيازاتو د ورکړې پروسې بانکي سازۍ بهير د چټکتيا په تړاو يې له خپله اړخه د پوره همکارۍ ډاډ ورکړ.
