د جوزجان ولایت د شهيدانو او معلولينو چارو په رياست کې د نوي برېښنايي سیسټم له چارو څخه څارنه ترسره شوه
د شهيدانو او معلولينو چارو وزارت د ډېټابېس او معلوماتو د سیسټم ریاست د ام، آی، اس آمر محترم انجنير الله محمد دوست په مشرۍ یوه تخنیکي پلاوي د یوه رسمي سفر په ترڅ کې د جوزجان ولایت د شهیدانو او معلولینو چارو په ریاست کې د یتیمانو، کونډو او معلولینو د نوي برېښنایی سیسټم له چارو او د اړوند اسنادو څخه هر اړخیزه څارنه ترسره کړه.
د دې څارنې پر مهال محترم انجنير الله محمد دوست د یاد ریاست له لوري د اړوند اسنادونو د ښه ترتیب او منظمې ساتنې څخه ستاینه وکړه او تر څنګ یې د یاد سیسټم د لاښه والي او سمون په موخه اړوند کارکوونکو ته لازمې لارښوونې وکړې.
د یادونې وړ ده چې د جوزجان ولایت د شهیدانو او معلولینو چارو رئیس محترم مولوي شبیر احمد مقصود د تخنیکي پلاوي څخه د مننې تر څنګ د نوموړي پلاوي له خوا د اصلاحاتو په موخه لازمو لارښونو او سپارښتنو ته د پوره پاملرنې ژمنه وکړه.
