د بادغیس ولایت د شهیدانو او معلولینو چارو ریاست له کړنو او اجراآتو څخه بررسي ترسره شوه
د شهیدانو او معلولینو چارو وزارت د کورنۍ پلټنې ریاست د راپورونو د انسجام، توحید او تحلیل آمر محترم مولوي حبیب الله صابر په مشرۍ یو پلاوي بادغیس ولایت ته سفر وکړ، د پلاوي په ترکیب کې د یاد ریاست کارکوونکي هر یو ښاغلی عتیق الله نیازي او ښاغلی امین الله امیني شامل وو.
یاد پلاوي د بادغیس ولایت د شهیدانو او معلولینو چارو ریاست کې د یتیمانو، کونډو او معلولینو شته اسناد له نږدې بررسي کړل او د شهیدانو ورثه وو او معلولینو لپاره یې د خدمتونو وړاندې کولو له څرنګوالي او یو شمېر نور اړوندو موضوعاتو څخه یې په هر اړخیزه توګه بررسي ترسره کړه، شته نیمګړتیاوې په نښه او د رسیدګي په موخه یې اړوندو مسؤلینو ته لازمې لارښوونې وکړې.
