په کابل کې له یوه اړمن یتیم سره د (۲۸۷۰) ډالرو په ارزښت د مسافر وړونکې ریکشا مرسته ترسره شوه
د شهیدانو او معلولینو چارو وزارت د مستحقو یتیمانو د ملاتړ په موخه، د بشري مرستو د خیریه مؤسسې په همکارۍ، د کابل ښار د دولسمې ناحیې اوسېدونکي سبحانالله ته د (۲۸۷۰) ډالرو په ارزښت د یوې مسافر وړونکې ریکشا مرسته ترسره کړه.
سبحانالله چې د یوې شپږ کسیزې کورنۍ سرپرستي پر غاړه لري، د اقتصادي ستونزو له امله له ګڼو ننګونو سره مخ وو. یاده مرسته د دې لپاره ترسره شوه څو نوموړي ته د کار، حلال عاید او ځان بسیاینې زمینه برابره شي او وکولای شي د خپلې کورنۍ اقتصادي اړتیاوې پوره کړي.
