په غزني ولايت کې د عزيزي بانک له لوري یتیمانو، کونډو او معلولینو ته د میاشتنې نغدي مساعدتونو د ورکړۍ له بهیر څخه ارزونه وشوه
د غزني ولایت د شهیدانو او معلولینو چارو رئيس محترم مولوي محمد انور برادر په دې ولايت کې د عزیزي بانک له لوري یتیمانو، کونډو او معلولینو ته د روان کال د درېيمې ربعې د میاشتنېو نغدي مساعدتونو د ورکړۍ بهیر څخه لیدنه وکړه او د بانک له مسؤلينو یې وغوښتل تر څو دې اړمن قشر ته لا ډیرې اسانتیاوې رامنځ ته کړي.
همداراز هغه معلولین، کونډې او يتيمان چې د نغدي مرستو اخیستو په موخه بانک ته راغلي وو، د شهيدانو او معلولينو چارو ریاست او عزيزي بانک له مسؤلينو څخه یې د نغدي مرستو د پر وخت اجرا کولو په پار خوښي څرګنده کړه.
