د شهیدانو او معلولینو چارو وزارت د برنامو او همغږۍ مرستيالې د وزارت له کاري څانګو لیدنه وکړه
د شهیدانو او معلولینو چارو وزارت د برنامو او همغږۍ مرستيالې د وزارت له کاري څانګو لیدنه وکړه
نن پنجشنبه د غویي په ۳۰مه، د شهیدانو او معلولینو چارو وزارت د برنامو او همغږۍ مرستيالې او د وزارت سرپرستې آغلې صبرۍ اندړ د رهبري هيئت په ملتيا، د وزارت له کاري څانګو او د مراجعينو وضعیت له څرنګوالي لیدنه وکړه او د هغوی ستونزې، غوښتنې او وړانديزونه يې واوريدل.
آغلې اندړ د مراجعينو چارو پر وخت ترسره کيدو باندې ټینګار وکړ وویل؛ ټول چارواکي او کارمندان باید د مراجعينو سره ښه چلند وکړي او هڅه وکړي چې د مراجعينو کار پر وخت او چټکه توګه ترسره کړي.
نوموړې زياته کړه، چې د مراجعينو کارونو او ستونزو ته پر وخت رسيدنه د وزارت له کاري لومړيتوبونو څخه دي او په دې برخه کې يې د اړونده چارواکو څخه د ګډکار د دوام او همغږۍ زياتوالي غوښتنه وکړه.
آغلې اندړ د مراجعينو او کارکوونکو ستونزې، غوښتنې، اندېښنې او وړانديزونه واوريدل او د حل لپاره يې د هر اړخيزو همکاريو او لازمو اقداماتو ترسره کيدو ژمنه وکړه.
