د شهیدانو او معلولینو په چارو کې د دولت وزارت، خصوصي پوهنتونو او لوړو زده کړو موسسو ترمنځ هوکړه لیکونه لاسلیک شوه

mmd_admin
Thu, Sep 26 2019 12:50 PM
1

رسنیزه اعلامیه

د شهیدانو او معلولینو په چارو کې د دولت وزارت، خصوصي پوهنتونو او لوړو زده کړو موسسو ترمنځ د دوه اړخیزو همکاریو هوکړه لیکونه لاسلیک شوه

۴ د تلې ۱۳۹۸

کابل - افغانستان

نن پنجشنبه د( ۱۳۹۸ لمریز کال د تلې میاشتې ۴) د شهیدانو او معلولینو په چارو کې د دولت وزارت له یو شمېر خصوصي پوهنتونو او لوړو زده کړو موسسو سره د دوه اړخیزو همکاریو هوکړه لیکونه لاسلیک کړه..

دا هوکړه لیکونه د دې وزارت د غازي امان الله خان د غونډو په تالار کې د شهیدانو او معلولینو په چارو کې د دولت وزارت د تخنیکي چارو مرستیاله آغلې جمیله نورستاني او د یادو خصوصي پوهنتونو او لوړو زده کړو موسسو د مسولینو ترمنځ نن رسماً د یو لړ ځانګړو مراسمو په ترڅ کې لاسلیک شوه.

د دغو هوکړه لیکونو د لاسلیک بنسټیزه موخه دا ده، چې د دولتي ادارو تر څنګ خصوصي سکتور هم د شهیدانو د وارثینو او معلولیت لرونکو وګړو د ملاتړ په برخه کې خپل مسولیت ترسره کړي.

دا خصوصي پوهنتونونه او د لوړو زده کړو موسسې د دغو هوکړه لیکونو له لاسلیک وروسته د شهیدانو ټولو په شرایطو برابرو وارثینو او معلولیت لرونکو وګړو ته په خپله هره تحصیلي دوره کې د وړیا سکالرشیپونو او ځانګړي تخیف امکانات برابروي او په هوکړه لیک کې په ذکر شوي شمېر معلولیت لرونکي وکړي او د شهیدانو وارثین به په خپلو پوهنتونو او موسسو کې د لوړو زده کړو لپاره جذبوي.

د شهیدانو او معلولینو په چارو کې د دولت وزارت د یوه دولتي نهاد په توګه ژمن دی، ټولو هغو خصوصي پوهنتونونو او د لوړو زده کړو موسسو ته چې له دې وزارت سره یې د معلولیت لرونکو وګړو او د شهیدانو د وارثینو د لوړو زده کړو په برخه کې هوکړه لیکونه لاسلیک کړي، د مالیاتي معافیت، په دولتي بستونو کې د دوی د محصلینو د جذبولو، انټرنشپونو برابرولو، سیمینارونو جوړولو او نورو ګټورو برخو کې هر اړخیزه همکاري ترسره کړي.

 

د یادونې وړ ده، چې دا هوکړه لیکونه اوسمهال یوازې د کابل ولایت له یو شمېر خصوصي پوهنتونو او لوړه زده کړو موسسو سره لاسلیک شوه او په راتلونکي کې به دا برنامه (د شهیدانو له وارثینو او معلولیت لرونکو وګړو څخه د خصوصي سکتور د ملاتړ ملي پروسې په نامه) په ټول هېواد کې له خصوصي پوهنتونونو، لوړه زده کړو موسسو، خصوصي روغتونونو او ښوونځیو او نیمه د لوړو زده کړو موسسو سره لاسلیک او د هېواد په کچه به وغځېږي.

د شهیدانو او معلولینو په چارو کې د دولت وزارت رسنیز دفتر

Latest news

Tue, Jul 06 2021 2:27 PM
Background image

An awareness program was held about law of prohibiting harassment of women and children

 

On Tuesday July 6, 2021 Professor Hamidullah Farooqi the Acting Minister of MMD attended at awareness program about law of prohibiting harassment of Women and Children, which was. . .

Thu, Jul 01 2021 10:53 AM
Background image

The starting of distribution land to the families of security & defense martyrs

The MMD sincerely thanks from the President of the Islamic Republic of Afghanistan on distributing 10,000 land grad to the families of Security and Defense martyrs.

Wed, Jun 30 2021 2:47 PM
Background image

It is our significant priority to handle to heirs of martyrs and people with disabilities

On Tuesday, June 29, 202 Professor Hamidullah Farooqi the Acting Minister of MMD attended to the Questions and Answers

BACK TO NEWS