د پکتیکا ولايت اړوند (۱۴۰) تنو مستحقو معلولینو ته ويلچرونه ووېشل شول
د پکتيکا ولايت د شهيدانو او معلولينو چارو رياست د يوې خیریه مؤسسې په مالي ملاتړ پر (۱۴۰) تنو مستحقو معلولينو باندې ويلچرونه ووېشل، د ویلچرونو سربېره هر مستحق سره یو اندازه نغدي مرسته هم ترسره شوه.
د پکتيکا ولايت د شهيدانو او معلولينو چارو رئيس مولوي محمد حنيف سيف الخالد د موسسې له مرستو یې قدرداني وکړه او څرګنده یې کړه چې د معلولینو د ستونزو حل او د هغوی غوښتنو ته پاملرنه يو اخلاقي مسؤليت ګڼل کېږي. هغه زیاته کړه، چې د امکاناتو په شتون کې به له هرې ممکنې لارې د معلولینو ملاتړ او مرسته وکړي، څو هغوی لپاره په ورځني ژوند کې لازمې اسانتياوې برابرې شي.
