Once again Victims of Kabul's latest terrorist attack were helped with food Items

د کابل وروستۍ خونړۍ پېښې له قربانیانو سره یو ځل بیا د خوراکي توکو مرسته وشوه

د شهیدانو او معلولینو په چارو کې د دولت وزارت د کمک موسسې په همکارۍ د کابل خونړۍ تروریستي پېښې له زیانمنو کورنیو سره د خوراکي توکو مرسته وکړه.

یاد وزارت تېره ورځ هم د دغې پېښې قربانیانو ته د خپلو همکارونو په وسیله د خوراکي توکو مرسته وېشلې وه.

په دویم ځلي مرسته کې په پېښه کې زیانمنو ۲۲ نورو کورنیو سره هم پرون د اړینو خوراکي توکو مرسته ترسره شوه.

په دغو مرستو کې بېلابېل د اړتیا وړ خوراکي توکي شامل وو او پر ټولو متضررو کورنیو په شفاف او عادلانه ډول ووېشل شوې.

د شهیدانو او معلولینو په چارو کې د دولت وزارت هڅه کوي معلولیت لرونکو وګړو او د شهیدانو کورنیو ته د خپلو امکاناتو پر بنسټ عاجلې او د اړتیا وړ مرستې ورسوي.