د شهيدانو او معلولينو په چارو کې د دولت وزير لعل الدين آریوبي سره د بدخشان د خلکو استازي ډاکتر ضيا یفتلي لېدنه وکړه
د شهيدانو او معلولينو په چارو کې د دولت وزير لعل الدين آریوبي سره د بدخشان د خلکو استازي ډاکتر ضيا یفتلي لېدنه وکړه
په ولسي جرګه کې د بدخشان د خلکو استازي ډاکتر ضيا يفتلي نن ماسپښين د تلې په شپږمه، د بدخشان د شهيدانو وارثينو او معلوليت لرونکو وګړو ستونزې له، د شهيدانو او معلولينو په چارو کې د دولت وزير لعل الدين آريوبي سره شريکې کړې او د هغوی د ژر حل غوښتنه يې وکړه.
ښاغلي يفتلي د بدخشان د شهيدانو وارثينو او معلوليت لرونکو وګړو د کلنيو امتيازاتو د پر وخت نه رسيدنې، د ثبت او راجستريشن پروسه کې سستوالي، بې کارۍ او د برېښنايي پېژندپاڼو د وېش بهير د نه چټکتيا ستونزې له محترم لعل الدين آريوبي سره شړيکې کړې.
ښاغلي آريوبي له نوموړي څخه مننه وکړه، چې د بدخشان د جګړو ځپلو هېوادوالو له عمده ستونزو یې خبر کړ.
ښاغلي آريوبي ژمنه وکړه، چې په بدخشان کې د ياد قشر ستونزو ته د ژر رسېدنې په موخه به د ياد ولايت د شهيدانو او معلولينو چارو آمر ته لازمه سپارښتنه کوي، څو مستحق کسان له خپلو کلنيو حقونو برخمن شي، د راجستريشن او برېښنايي پېژندپاڼو د وېش پروسو کې اغيزمن چټکوالی راشي.
نوموړي ډاډ ورکړ، چې د نوي برېښنايي سيسټم او اصلاحاتو د پلې کیدو په پايله کې به، چې اوسمهال يې د دوی وزارت د پلې کیدو په هڅه کې ده، د ټول هېواد په کچه د شهيدانو وارثينو او معلوليت لرونکو وګړو ستونزې حل او هوارې شي.
