د شهیدانو او معلولینو چارو وزارت د یتیمانو، کونډو او معلولینو د ملاتړ په موخه د قمر خیریه بنسټ سره د همکارۍ هوکړه لیکونه لاسلیک کړل
د شهیدانو او معلولینو چارو وزارت د یتیمانو، کونډو او معلولینو لپاره د ژوند آسانتیاوو د رامنځته کولو په موخه د قمر خیریه بنسټ سره د څلور (۴) میلیونه او شپږ سوه(۶۰۰) زره افغانيو په ارزښت دوه هوکړه لیکونه لاسلیک کړل.
د همکارۍ دغه هوکړه لیکونه د دې وزارت د بهرنيو اړیکو او پلان رئیس محترم ملا صدوخان حق شناس او د قمر خیریه بنسټ عمومي مدیر محترم احمد شهرام وفایي تر منځ لاسلیک شول، چې د یوه هوکړه لیک له مخې به، په بلخ، جوزجان، فاریاب او سمنګان ولایتونو کې (۷۵۰) تنو یتیمانو، کونډو او معلولیت لرونکو وګړو ته خوراکي توکي ووېشل شي.
همداراز د دویم هوکړه لیک له مخې به سل (۱۰۰) تنو یتیمانو، کونډو او معلولینو ته په بغلان او کندز ولایتونو کې نغدي مرستې ووېشل شي او هر مستحق به (۲۲۰۰۰) افغانۍ د نغدي مرستې په توګه ترلاسه کړي.
د یادونې وړ ده، چې یادې پروژې به د پورته ذکر شويو ولایتونو د شهیدانو او معلولینو چارو ریاستونو سره په همغږۍ تطبیق کړل شي.
