په هرات ولایت کې (۵۰) تنو مستحقو کسانو باندې مرستې ووېشل شوې
د هرات ولایت د شهیدانو او معلولینو چارو ریاست په روژې مبارکه میاشت کې د معلولینو د ملاتړ په موخه د احساس خیریه مؤسسې سره په همغږۍ د یاد ولایت پر (۵۰) تنو مستحقو معلولیت لرونکو وګړو باندې مرستې چې په هغه کې (۴) ډوله خوراکي توکي شامل وو، په شفاف او منظم ډول ووېشل.
د هرات ولایت د شهیدانو او معلولینو چارو رئیس محترم الحاج مولوي علاءالدين سعد د احساس خیریه مؤسسې له مرستو مننه وکړه او دا اقدام یې د معلولینو د ملاتړ په برخه کې د امارتي ادارو او د خیریه مؤسساتو تر منځ د همکارۍ او همغږۍ نښه وبلله، نوموړي هیله وښوده چې نورخیریه بنسټونه هم د دې اړمن قشر د اقتصادي شرایطو د ښه والي لپاره ګامونه پورته کړي.
