د یتیمانو، کونډو او معلولینو اړوند د نوي الکټرونیکي سیسټم له چارو څخه په هلمند ولايت کې څارنه ترسره شوه
د شهیدانو او معلولینو چارو وزارت د ډېټابېس او معلوماتو د سیسټم آمر محترم سید تمیم آغا په مشرۍ یو تخنیکي پلاوي چې محترم حکمت الله بدري، محترم صدیق الله جهاني او محترم منیر احمد شیرزي یې ملتیا کوله، په هلمند ولایت کې د یتیمانو، کونډو او معلولینو اړوند د نوي الکټرونیکي سیسټم د چارو څخه هر اړخیزه څارنه او ارزونه ترسره کړه.
د دې څارنې پر مهال تخنیکي پلاوي د سیسټم د فعالیت د لا ښه والي په موخه لارښوونې او په اصلاحاتو راوستلو ټینګار وکړ.
همداراز، د هلمند ولایت د شهیدانو او معلولینو چارو رئیس په یاده برخه کې د پوره همکارۍ ډاډ څرګند کړ.
