د معلولیت لرونکو وګړو ستونزو ته رسیدګي زموږ ملي مسولیت دی
د معلولیت لرونکو وګړو ستونزو ته رسیدګي زموږ ملي مسولیت دی
په ولسي جرګه کې د کابل د خلکو استازې آغلې پروین درانۍ د شهیدانو او معلولینو په چارو کې د دولت وزارت د معلولینو چارو رییس ښاغلي وحیدالله صافي سره د هغه د کار په دفتر کې وکتل.
آغلې درانۍ د مننې تر څنګ ښاغلی صافی وړ شخص وباله او نوموړي سره یې د معلولیت لرونکو وګړو د عامو ستونزو په اړه خبرې وکړې.
ښاغلي صافي مېرمن درانۍ یوه بریالۍ وکیله وګڼله، ډاډ یې ورکړ، چې د ښاغلي وزیر لعل الدین آریوبي په لارښوونه وخت په وخت له معلولیت لرونکو وګړو سره د دوی د ستونزو په اړه ګوري او د حل لپاره یې هلې ځلې کوی. نوموړي زیاته کړه، چې دا وزارت دې قشر ته د زړه له تله خدمت کوي او ستونزو ته رسیدګي یې نه یوازې دنده، بلکې ملي او انساني مسولیت دی.
