د مراجعینو سره د کارکوونکو د چلند تر نامه لاندې ورکشاپ په لاره واچول شو

mmd_admin
چهارشنبه ۱۳۹۸/۶/۲۷ - ۱۵:۱۳
۱

د مراجعینو سره د کارکوونکو د چلند تر نامه لاندې ورکشاپ په لاره واچول شو

د شهیدانو او معلولینو په چارو کې د دولت وزارت کارکوونکو لپاره ( د مراجعینو سره د ملکی کارکوونکو چلند) تر نامه لاندې دوه ورځنی ورکشاپ د دغه وزارت په تا لار کې د کومک موسسې له خوا په لاره واچول شو.

دغه ورکشاپ د یاد وزارت د مالي او اداري چارو د مرستیال ښاغلي دل آقا صوفي زاده له خوا پیل شو، په پیل کې ښاغلي صوفي زاده د کومک (COMAC) موسسې له کارکوونکو څخه مننه وکړه چې د دغه وزارت د کارکوونکو د وړتیا لوړونې په موخه دا ډول ورکشاپونه او ناستې په لاره واچوي.

ده زیاته کړه چې د کاري اصولو د لاښه پرمختګ لپاره یو لړ لارښوونو ته اړتیا لرو تر څو د هغوی له مخې وکولای شو دارنګه اصول او چلند زده او هغوی په عمل کې پلي کړو.

وروسته د بشري سرچینو رئیس ښاغلي نیک محمد نیکمل د دغه ورکشاپ ګډونوالو ته په خپله وینا کې وویل چې د مراجعینو سره د کارکوونکو چلند په ځانګړي توګه د شهیدانو او معلولینو په چارو کې ددولت وزارت د کار کوونکو چلند له خپلو مراجعینو سره یو له اړینو برخو څخه شمیرل کیږی چې تر څنګ یې د هغه پلي کول یو ښه کار وباله.

په پای کې د دغه ورکشاپ ګډون کوونکو ته د کومک موسسې له خوا ستاینلیکونه ورکړل شول.

 

تازه خبرونه

شنبه ۱۴۰۵/۸/۲۳ - ۹:۲۲
Background image

د شهیدانو او معلولینو چارو وزارت د کارکوونکو چارو ریاست کې اداري غونډه ترسره شوه

د چارو د لا ښه انسجام او د همغږۍ د پياوړتیا په موخه، د شهیدانو او معلولینو چارو وزارت د کارکوونکو چارو په ریاست کې اداري غونډه ترسره شوه، چې پکې د اړوندو برخو آمرینو او کارکوونکو ګډون. . .

پنجشنبه ۱۴۰۵/۸/۲۱ - ۱۰:۴۹
Background image

په ارزګان ولایت کې (۱۰۰) تنو مستحقو یتیمانو ته مرستې ووېشل شوې

د ارزګان ولايت د شهیدانو او معلولینو چارو رياست د‌ نداء الخير مرستندويه مؤسسې سره په همغږۍ پر (۱۰۰) تنو مستحقو یتیمانو باندې نغدي مرستې ووېشلې او هر مستحق ته (۲۶۲۰) افغانۍ ورکړل شوې.

د. . .

پنجشنبه ۱۴۰۵/۸/۲۱ - ۱۰:۴۱
Background image

د شهیدانو او معلولینو چارو وزارت او د (IHH) مرستندویه مؤسسې ترمنځ د همکارۍ هوکړه لیکونه لاسلیک شول

د شهیدانو او معلولینو چارو وزارت د یتیمانو کورنیو او معلولینو د لاسنیوي او ملاتړ په موخه د (IHH) مرستندویه مؤسسې سره د (۵۱) زره او (۷۲۵) ډالرو په ارزښت د همکارۍ هوکړه لیکونه لاسلیک کړل. . .

BACK TO NEWS