د شهیدانو او معلولینو چارو په وزارت کې پر (۱۰۸) تنو مستحقو کسانو باندې ژمني توکي ووېشل شول
د شهیدانو او معلولینو چارو وزارت د انساني مرستو ټولنې سره په همغږۍ پر (۱۰۸) تنو مستحقو یتیمانو، کونډو او معلولینو باندې په دې وزارت کې، ژمني توکي چې په هغه کې کمپلې، د ډبرو سکاره او بخارۍ شاملې وې، په منظم ډول ووېشلې.
یادې مرستې د شهیدانو او معلولینو چارو وزارت د ټولنیزو خدمتونو د تنظیم رئیس محترم مولوي ثناء الله فرقاني، د څارنې او ارزونې ریاست استازي او د مؤسسې مسؤلینو په شتون کې پر مستحقو کسانو باندې ووېشل شوې.
