د بامیان ولایت د شهیدانو او معلولینو چارو ریاست لپاره د نوې ودانۍ د جوړولو ابتدایي چارې پيل شوې
د بامیان ولایت د شهیدانو او معلولینو چارو ریاست لپاره د نوې اداري ودانۍ ابتدايي چارې د یاد ریاست د رئیس محترم علي خان احمدي، د ولایت مقام، د کور او ښار جوړونې، ښاروالۍ، د کار او ټولنیزو چارو ریاستونو د استازو په شتون کې د اړوندو انجنیرانو له لوري په ټاکل شوي ځای کې پیل شوې.
د بامیان ولایت د شهیدانو او معلولینو چارو رئیس محترم علي خان احمدي د یاد ریاست لپاره د نوې اداري ودانۍ جوړول یې یتیمانو، کونډو او معلولینو ته د غوره او معیاري خدمتونو وړاندې کولو په برخه کې مهم ګام وباله، د تخنیکي ادارو له همکارۍ څخه يې مننه وکړه او هیله یې څرګنده کړه چې د ودانۍ جوړونې عملي چارې به د لمړنیو کارونو له بشپړېدو سره سم، ژر پیل شي.
