د شهیدانو او معلولینو چارو په وزارت کې یوسل او نوي (۱۹۰) تنو اړمنو یتیمانو، کونډو او معلولینو خوراکي توکي ترلاسه کړل
د شهیدانو او معلولینو چارو وزارت د جمعيت کمک هاي انسانی خیریه مؤسسې سره په همغږۍ پر (۱۹۰) تنو یتیمانو، کونډو او معلولینو باندې پنځه ډوله خوراکي توکي چې په هغه کې اوړه، غوړي، وريجې، لوبیا او مالګه شامل وو، وویشل.
د یادو مرستو د ویش پر مهال د شهيدانو او معلولینو چارو وزارت د ټولنیزو خدمتونو د تنظیم رئیس محترم مولوي ثناء الله فرقاني، د پرمختیائې پروژو د څارنې او ارزونې آمر محترم ملا مطیع الله ابوالمختار او د یادې مؤسسې مسؤلینو ګډون درلود.
