د شهیدانو او معلولینو چارو په وزارت کې اتیا (۸۰) تنو مستحقو کسانو مرستې تر لاسه کړې
یاده مرسته چې د شهیدانو او معلولینو چارو وزارت په همغږۍ او د نصیر خیریه بنسټ له لوري پر اتیا (۸۰) تنو مستحقو کسانو باندې وویشل شوه، په هغه کې یوه اندازه اوړه، وریجې، بوره، نخود، وچې شیدې، مکروني، لوبیا او البسه شامل وو.
د يادونې وړ ده چې د یادو مرستو د ویش پر مهال د شهیدانو او معلولینو چارو وزارت د ټولنیزو خدمتونو د تنظیم رئیس محترم مولوي ثناء الله فرقاني، د څارنې او ارزونې ریاست استازو او د یاد خیریه بنسټ مسؤلینو ګډون درلود.
