جمهور رئیس غنی، شهیدلر و معلوللر وارثلری نینگ ایستک و پیشنهادلرینی ایشیتدی
جمهور رئیس غنی، شهیدلر و معلوللر وارثلری نینگ ایستک و پیشنهادلرینی ایشیتدی
افغانستان اسلامی جمهوریتی جمهور رئیسی محمد اشرف غنی، بوگون کیچ شهیدلر و معلوللر وارثلری بیلن بولگن اولتیریشده، اولرنینگ ایستک و پیشنهادلرینی ایشیتدی.
ارگ نینگ سلام خانه قصریده بولیب اوتگن بو اولتیریشده، بیرینچیدن شهیدلر و معلوللر زویرلیگی نینگ سرپرستی حمیدالله فاروقی بو وزیرلیک همده معلوللر و شهیدلر عایله سیگه کورستگن توجه سی اوچون جمهور رئیسگه تشکرلیک قیلیب، افغانستان ملتی و دولتی خوفسیزلیک و دفاعی کوچلری، شهیدلر همده معلوللر عایله سی فداکارلیگی اوچون ممنونلر دیدی.
فاروقی نینگ کوپه یتیریشیچه، شهیدلر و معلوللر عایله سی نینگ برچه سیگه لازم بولگن بوتون قولیلیکلر یره تیله دی و بو حقیده جمهور رئیس نینگ بویروغینی عملگه آشیره من. او، بیرچه دولت اداره لری بیلن لازم همکارلیک اورته گه کیلگن و وزیرلیک نینگ استراتیژیسی تیار دیر تیزلیک ده جمهورلیک ریاستی عالی مقامی بیلن اورته گه قوییله دی دیب ایتدی.
سونگ تاسه فدایی، مسعود صافی، رحیم الله رحیمی، محمد صدیق مومند، نقیب الله فراهی و سمیع الحق سمیع باشقه لر نماینده لیگیده گپیریب اوزلری نینگ کمیته لری فکر و ملاحظه سی و پیشنهادینی شریک قیلیش بولک نظام، خوفسیزلیک و دفاعی کوچلر، تینچلیک پروسه سی و ییگیرمه ییل ایچیده گی یوتوقلر سقله نیشیدن حمایت بیلدیردیلر.
اولر شهیدلر و معلوللر عایله سی نینگ حقوق و امتیازی وقتیده بجریلیشی، فسادنینگ آلدینی آلینیشی، تعلیمی، تحصیلی و ایش زمینه سی یره تیلیشی، شهیدلر وارثلری دولت اداره لریگه جذ بولیشی، سپورت بوییچه قولیلیک، حرفوی مرکزلر آچیلیشی، آتیش – کیسین برقرارلشتیریلیشی و شهیدلر و معلوللر عایله سیگه شرفلی تورموش شرایطی ایجاد بولیشی خصوصیده گی پیشنهادلرینی جمهور رئیس بیلن شریک قیلدیلر.
کیین جمهورلیک ریاستی ایشلری بوییچه عمومی اداره باشلیغی داکتر فضل محمود فضلی گپیریب، شهیدلر و معلوللر وارثلری بوگون تورلی کمیته لرده اولتیریش قیلیب اوزلری نینگ فکر و ملاحظه لری همده پیشنهادلرینی حوصله مندلیک بیلن بیلدیردیلر دیدی.
مملکت جمهور رئیسی اوزی نینگ باشلنغیچ صحبتلریده شهیدلر و معلوللر وراثلرینی خوش کیلیب سیزلر دیب، بو ییرده سیزلرنینگ حضورینگیز بیزلرگه اولکن فخر دیر، چونکه مین و همکارلریمیز سیزلرنینگ فداکارلیگینگیز سبب خذمت قیلیش فخریگه ایگه میز دیب اظهار قیلدی.
جمهور رئیس نینگ بیلدیریشیچه، برچه وزیرلیکلر همده دولت اداره لری شهیدلر و معلوللر وارثلریگه ییتیشیش اوچون مسوولیتلری بار و بونینگ اوچون والایتلر والیلری، خصوصی سکتور و باشقه اداره لر حضوریده کابینه ییغینی اوتکزه من و ملی بیر برنامه آرقه لی مکانیتگه کوره سیزلرگه بولگن تعهدلرینی ینگیلیب بجرسینلر.
باشقه تاماندن جمهور رئیس غنی، شهرسازلیک و فواید عامه وزیرلیکلریگه ینگی ییلده شهیدلر عایله لریگه اون مینگ نمره توزیع قیلینیشی اوچون انیق بویروق بیرگن من و بو دستور باشقه زونلر همده اولوسواللیکلرده هم عملگه آشیریلیشینی تیلگه آلدی.
جمهور رئیس غنی اوزی نینگ سوزلری اداغیده، ملت و دولت سیزلرنینگ فداکارلیگینگیزدن ممنون دیر، صلح شرایطی یره تیلگن عدالتلی تینچلیک ده سیزلرنینگ حقوقینگیز سقلنه دی. بیزلرنینگ مقصدیمیز شرفلی صلح، مستقل، مردم سالار و متحد افغانستان دیر دیب قوشیمچه قیلدی.
