په سرپل ولایت کې پر (۱۰۱) تنو مستحقو معلولینو باندې د ویلچرونو وېش
د سرپل ولایت د شهیدانو او معلولینو چارو ریاست د معلولیت لرونکو وګړو په ژوند کې د اسانتیاوو رامنځته کولو په موخه د یوې خیریه مؤسسې سره په همغږۍ پر (۱۰۱) تنو مستحقو معلولینو باندې ویلچرونه ووېشل، همداراز هر مستحق معلول ته زر (۱۰۰۰) افغانۍ د لارې کرایې په توګه هم ورکړل شوې.
د سرپل ولایت د شهیدانو او معلولینو چارو ریاست مسؤلینو څرګنده کړه چې د افغانستان اسلامي امارت د شهیدانو او معلولینو چارو وزارت رهبرۍ هڅه کوي چې د معلولینو د ژوند شرایط ښه کړي او هغوی ته په بېلابېلو برخو کې لا زیاتې اسانتیاوې برابرې کړي.
