په کندهار ولایت کې د یو شمېر فدایانو کورنیو سره نغدي مرستې ترسره شوې
د شهيدانو او معلولينو چارو وزارت د دعوت او ارشاد رئيس محترم مفتي عبدالاحد مسعود په مشرۍ يو پلاوی چې په ترکیب کې د مالي او حسابي چارو رئيس محترم مولوي محمد امين دروېش، د خاصو شهیدانو آمر محترم مولوي محمد شامل وو، کندهار ولایت ته یې د سفر په ترڅ کې د (۱۷۸) فدایانو کورنيو سره له نږدې وکتل، ستونزې او غوښتنې واوریدې او هرې کورنۍ سره یې یو اندازه نغدي مرسته هم ترسره کړه.
د یادونې وړ ده چې د استشهادیانو کورنیو سره د نغدي مرستو پروسه د شهیدانو او معلولینو چارو وزارت سرپرست وزیر محترم الحاج ملا عبدالمجید آخند د ځانګړي هدایت سره سم، د دې وزارت د خاصو شهیدانو آمریت له لوري پر مخ وړل کیدله. د فدایانو له کورنيو سره د مرستو ترسره کولو پروسه د لغمان ولایت څخه څه باندې یو کال وړاندې پیل شوې وه، چې په هغه کې د شهیدانو او معلولینو چارو محترم وزیر صاحب او محترمو مرستیالانو هم برخه اخیستې وه. کندهار یې وروستی ولایت وو، چې د یادو کورنیو سره نغدي مرستې ترسره شوې.
