د رهبري شورا فوق العاده غونډه ترسره شوه

وزارت د رهبري شورا فوق العاده غونډه د شهیدانو او معلولینو چارو سرپرست وزیر ملا عبدالمجید اخوند په مشرۍ جوړه شوه، په دې غونډه کې په ولایتونو کې د شهیدانو او معلولینو چارو ریاست پر تشکیل بحث وشو.  
د غونډې په پیل کې د شهیدانو او معلولینو چارو سرپرست وزیر، ملا عبدالمجید اخوند د شهیدانو وارثین او معلولین یې د ټولنې اغېزمن وګړي وګڼل.
په دې غونډه کې د شهیدانو او معلولینو وزارت د مالی او اداري چارو رییس مولوی کلیم الله افغان له ټولو رییسانو وغوښتل چې اوونیز کاري پلان، ګزارش او لومړيتوبونه دې په ګوته کړي.
همدارنګه په دې ناسته کې، ښاغلي عبدالمجید اخوند د چارو د ښه سمبالښت لپاره له بشري سرچینو له ریاست نه وغوښتل چې حاضري له کتبي څخه برښنایي ته دې تبدیله شی.
په نننۍ غونډه کې د پخواني حکومت د شهیدانو د وارثینو او معلولینو، د ملکي شهیدانو د وارثینو او معلولینو او د ا.ا.ا د شهیدانو د وارثینو او معلولینو د انسجام پر طرحه او پلان بحث او د نظرونو د تبادله وشوه. او همدارنګه له ټولو رییسانو وغوښتل شول چې خپلو ریاستونو خالي بستونه دې مشخص او د وزارت مقام ته دې د خالي بستونو د ډکولو لپاره دې وړاندیز وشي.