په کاپیسا ولايت کې (۲۰۰) تنو مستحقو یتیمانو مرستې ترلاسه کړې
د کاپیسا ولايت د شهيدانو او معلولینو چارو رياست د امریکا مسلمانانو د زکات خیریه مؤسسې په مالي ملاتړ په دې ولايت کې پر (۲۰۰) تنو یتیمانو باندې مرستې وویشلې. په دې مرستو کې هر مستحق یتیم ته د (۱۸۰۰) افغانېو نغدي مرستې ترڅنګ جامې او بوټان هم ورکړل شول.
د یادو مرستو د وېش پر مهال د کاپیسا ولايت د شهيدانو او معلولینو چارو رئيس محترم الحاج ګل خان ګل محمد، د شهيدانو او معلولینو چارو آمر محترم مولوي حمزه ثابت او د یادې مؤسسې مسؤلينو ګډون درلود.
د کاپیسا ولايت د شهيدانو او معلولینو چارو رئيس د یادې مؤسسې له مسؤلینو څخه مننه وکړه چې اړمنو یتیمانو، کونډو او معلولینو سره مرستې ترسره کوي.
