په کابل ولایت کې پر (۱۵۰) تنو مستحقو کسانو باندې د مرستو وېش
د کابل ولایت د شهیدانو او معلولینو چارو ریاست د یو شمېر بهرنیو سیلانیانو په مالي ملاتړ د دې ولایت اړوند پر (۱۵۰) تنو مستحقو کونډو مېرمنو او معلولیت لرونکو وګړو باندې د خوراکي توکو مرستې ووېشلې او هر مستحق ته (۲۰۰۰) افغانۍ د نغدي مرستې په توګه ورکړل شوې.
د یادو مرستو د وېش پر مهال د پلان، بهرنیو اړیکو او د تقنیني چارو رئيس محترم ملا صدوخان حق شناس، د کابل ولایت د شهیدانو او معلولینو چارو رئیس محترم ملا شیر محمد صمیم او د وزارت د پروژو څخه د څارنې او ارزونې آمر محترم ملا مطیع الله ابوالمختار هم شتون درلود.
محترم ملا صدوخان حق شناس د بهرنیو سیلانیانو له مرستو څخه مننه وکړه او له هغوی وغوښتل چې د دې بېوزله او اړمن قشر لپاره نورې مرستې هم برابرې کړي، تر څو د شهیدانو کورنیو او معلولینو اقتصادي ستونزو ته په سمه توګه رسیدګي وشي.
