په ارزګان ولایت کې د شهیدانو او معلولینو چارو ریاست د اجرااتو څخه هر اړخیزه ارزونه ترسره شوه
د شهیدانو او معلولینو چارو وزارت د تطبیقي پلانونو څخه د څارنې او ارزونې آمر محترم ملا اهل الله حنفي په مشرۍ یو پلاوي چې د مرکزي او ولايتي راپورونو د تحليل او توحيد آمر محترم مولانا نورالدين صاحب زاده، د ولايتي پلانونو له تطبيق څخه د څارنې او ارزونې عمومي مدير محترم سليم ګل شمشاد او د ګزارشاتو د تحليل او توحيد مسلکي غړي محترم محمد خليل کريمي یې ملتيا کوله، د ارزګان ولایت د شهیدانو او معلولینو چارو ریاست له لوري د ترسره شویو کړنو او فعالیتونو څخه یې هر اړخیزه ارزونه ترسره کړه.
د ارزونې په لړ کې، د شهیدانو ورثه وو او معلولینو لپاره د خدمتونو وړاندې کولو څرنګوالی، د هغوی د تثبیت او ثبت پروسه، د میاشتني نغدي مرستو د وېش بهیر او اړوند اداري چارې له نږدې و ارزول شوې، شته نیمګړتیاوې او ستونزې په دقیقه توګه په نښه او د حل په موخه یې مسؤلینو او کارکوونکو ته لازمې لارښوونې ورکړل شوې.
