د کابل ښار د شپېتو (۶۰) تنو یتیمانو ترمنځ د سیرت النبي صلی الله علیه وسلم سیالۍ ترسره شوه
د شهیدانو او معلولینو چارو وزارت د (HHRD) خیریه مؤسسې سره په همکارۍ، د اسلام مبارک دین د ویاړلي تاریخ او د حضرت محمد مصطفی صلی الله علیه و سلم د سیرت د لا ښه پېژندنې، د یتیمانو د سالمۍ زده کړې او د هغوی د هڅونۍ په موخه، د کابل ښار د اتمې، نهمې او دولسمې ناحیو اړوند د (۶۰) تنو یتیمانو ترمنځ د سیرت النبي صلی الله علیه و سلم سیالۍ ترسره کړه.
دغه پروګرام چې د کابل ښار د دویمو مکروریانو په سیمه کې په لاره اچول شوی وو، په کې د ټولنیزو خدمتونو د تنظیم ریاست، د شهیدانو چارو ریاست استازو او د یادې خیریه مؤسسې مسؤلینو هم شتون درلود.
په پای کې، هغو ګډونوالو ته چې د سیالۍ غوره مقامونه یې ګټلي وو، ځانګړې شوې ډالۍ چې په کې کمپلې، د لوبو وسایل او یو اندازه نغدي مرستې شاملې وې، هغوی ته ورکړل شوې.
