د پکتیکا ولايت د شهیدانو او معلولینو چارو رئيس د ياد ولايت د ډيلي ولسوالی ته سفر ترسره کړ
د پکتیکا ولايت د شهیدانو او معلولینو چارو رئيس محترم مولوي محمد نبي وهاج په مشرۍ يوه پلاوي د پکتیکا ولایت ولسواليو ته د سفرونو دلړۍپه ترڅ کې د ډيلي ولسوالي ته سفر ترسره کړ دمجردو شهیدانو کورنیو سره ئي له نږدې ليدنه وکړه، د هغوی احوال یې له نږدې واخیست، د هغوی ستونزې او غوښتنې یې واوریدې او اړتیاوو ته یې د بشپړې رسېدنې ډاډ ورکړ.
هغه همداراز د یادو کورنیو د اقتصادي ستونزو د حل په موخه یو اندازه نغدي مرستې هم ترسره کړه، له ټولو یې د اسلامي نظام د بقاء لپاره او د امارت د رهبرۍ د حفاظت د دعاء غوښتنه وکړه.
همداراز نوموړي یتیمانو، کونډو او معلولینو ته د اغېزمنو خدمتونو وړاندې کولو او د هغوی د کور په کور سروې د بهير د لا ښه والي په موخه اړوند مدیر ته لازمې لارښوونې وکړې.
د دې سفر پر مهال د شهیدانو او معلولینو چارو رئيس د یادي ولسوالی له مسؤلينو سره وکتل او د هغوی څخه یې د شهیدانو کورنیو او معلولینو ته د لا خدمتونو وړاندې کولو په برخه کې د تل په څېر د نورو همکاریو غوښتنه وکړه.چي دولسوالي مسؤلینو دیاد ولایت رئیس مولوي محمد نبي وهاج ته دشهيدانو او معلولينو په برخه کې ډاډ ورکړل او د نوموړي کارونه او خدمتونه ئي وستایل.
