د شهیدانو او معلولینو چارو وزارت له کارکوونکو څخه عقیدتي او دیني ازموینه واخیستل شوه
هغه پروګرام چې په همدې موخه د شهیدانو او معلولینو چارو وزارت کې جوړ شوې وو، په هغې کې د یاد وزارت د دعوت او ارشاد رئیس ښاغلي مفتي عبدالاحد مسعود او د یاد ریاست ځینو مسؤلینو ګډون درلود.
د شهیدانو او معلولینو چارو وزارت د کارکوونکو په ازموینه کې هغه موضوعات او مسائل شامل وو، چې په تیرو څو میاشتو کې د شهیدانو او معلولینو چارو وزارت د دعوت او ارشاد ریاست لخوا د نوموړي وزارت کارکوونکو ته تدریس کړای شوي وه.
په یادې ازموینه کې د لمانځه، عقیدتي مسائلو او د قرآن عظیم الشان په اړه پوښتنې شاملې وې.
د شهیدانو او معلولینو چارو وزارت له کارکوونکوڅخه د ازموینې اخیستنې اصلي موخه د کارکوونکو د اسلامي معلوماتو د کچې معلومول او د هغوی د وس او وړتیا په اندازه د اسلامي اصولو او دینی زده کړو د زمینې برابرول یاد شوې دي.
د یادونې وړ ده هغه کسان چې په دې ازموینه کې زیاتې نومرې واخلي تشویق او ترغیب او هغه کسان چې کمې نومرې واخلي د دیني زده کړو په برخه کې به ورسره په هر اړخیزه توګه مرسته وشي.
