د شهیدانو او معلولینو چارو وزارت د استخدام نوی آمر کارکوونکو ته معرفي او په کار یې پېل وکړ
د معرفي په دې غونډه کې د دې وزارت د دفتر رئیس محترم مولوي شاه محمد دوست، د بشري سرچینو رئیس محترم مولوي محمد موسی صدیقي، د دعوت او ارشاد رئیس محترم مفتي عبدالاحد مسعود، د مالي او حسابي چارو رئیس محترم مولوي محمد امین درویش، د څارنې او ارزونې رئیس محترم مولوي نورالحق حقاني، د داخلي تفتیش رئیس محترم مولوي احسان الله حقاني، د معلولینو چارو رئیس محترم قاري عبدالکریم حلیمي او د بشري سرچینو ریاست اړوند آمرینو او کارکوونکو ګډون کړی وو.
محترم مولوي عبدالصمد حماد د شهیدانو او معلولینو چارو وزارت د مقام د لزوم دید او هدایت پر اساس د استخدام د نوي آمر په توګه د بشري سرچینو رئیس محترم مولوي محمد موسی صدیقي لخوا کارکوونکو ته ور وپېژندل شو.
محترم مولوي محمد موسی صدیقي په دې معرفي غونډه کې د بشري سرچینو ریاست په تشکیلاتي جوړښت، د دندو او مسؤلیتونو په هکله یې هر اړخیز معلومات وړاندې کړل او د ورسپارل شويو مسؤلیتونو په ترسره کولو کې یې ژمنتیا، پوره اخلاص او ایماندارۍ مهمه وبلله او نوي آمر ته یې په چارو کې د بریالیتوب هیله څرګنده کړه.
همداراز په دې غونډه کې د دعوت او ارشاد رئیس محترم مفتي عبدالاحد مسعود هم په هېواد کې یې د اسلامي نظام په ښېګڼو خبرې وکړې او هغه یې د افغانانو لپاره د لوی خدای جل جلاله یو ستر نعمت وباله او زیاته یې کړه: د اسلامي نظام د پر مختګ او بقا لپاره په اخلاص او په ګډه کار کول د دې هېواد د هر وګړي مسؤلیت دی.
