د بغلان ولایت د شهیدانو او معلولینو چارو په ریاست کې د یتیمانو، کونډو او معلولینو د نوي برېښنایي سیسټم له چارو څخه څارنه ترسره شوه
د شهیدانو او معلولینو چارو وزارت د ډیټابیس او معلوماتو د سیستم ریاست د ایم، آی ، اس آمر محترم انجنیر الله محمد دوست په مشرۍ یو تخنیکي پلاوي چې محترم شکرالله اوریا، محترم بختیار اریوبي او محترم اجمل اندړ یې ملتیا کوله د بغلان ولایت د شهیدانو او معلولینو چارو په ریاست کې د یتیمانو، کونډو او معلولینو د نوي برېښنایي سیسټم له چارو او د اړوند اسنادو څخه هر اړخیزه څارنه او ارزونه ترسره کړه.
د دې څارنې پر مهال یاد تخنیکي ټیم د بغلان ولایت د شهیدانو او معلولینو چارو ریاست له لورې د اړوند سیسټم د ترسره شویو کړنو ستاینه وکړه، د سیسټم د لاښه والي او سمون په موخه یې اړوند کارکوونکو ته لازمې لارښوونې او سپارښتنې وکړې.
په ورته وخت کې د بغلان ولایت د شهیدانو او معلولینو چارو رئیس محترم مولوي احسان الله عابد د تخنیکي پلاوي څخه مننه وکړه او وې ویل: د څارنې او ارزونې پروسه په چارو کې د مؤثریت او شفافیت د رامنځته کیدو لامل ګرځي او د نوموړي ټیم له لوري یې ورکړل شویو لارښونو او سپارښتنو ته د پوره پاملرنې ژمنه وکړه.
