د شهیدانو او معلولینو چارو وزارت کې پر (۱۵۰) تنو مستحقو کسانو باندې د مرستو وېش
د شهیدانو او معلولینو چارو وزارت د شهیدانو کورنیو د اقتصادي ملاتړ په موخه د افغانستان د ستراتیژیکو مطالعاتو او پالیسۍ مؤسسې سره په همغږۍ د (۱۵۰) تنو یتیمانو او کونډو لپاره د فني او حرفوي زده کړو پروګرامونه پیل کړي وو، په دې پروګرامونو کې ګډونوالو ته د خیاطۍ، نلدوانۍ او سولري سیسټمونو په برخو کې مسلکي او عملي زده کړې ورکړل شوې، او هغوی لازم مهارتونه ترلاسه او د کار بازار چمتو شول، یادو کسانو ته نن د فراغت وروسته د اړوندې حرفې وسایل او تجهیزات هم په واک کې ورکړل شول.
د یادو وسایلو د وېش پر مهال د پروژو څخه د څارنې او ارزونې آمر محترم ملا مطیع الله ابوالمختار، د شهیدانو ورثه وو او معلولینو د ادغام آمر محترم ابراهیم شاه خلیل، د ټولنیزو خدمتونو د تنظیم آمر محترم صفي الله سدید او د خیریه مؤسسې مسؤلینو شتون درلود.
