د غزني ولایت د شهیدانو او معلولینو چارو ریاست لپاره نوی رئیس د محترم مولوي کلیم الله افغان لخوا د یاد ریاست کارکوونکو ته معرفي شو
د افغانستان اسلامي امارت د ریاست الوزراء عالي مقام د حکم پر اساس، د شهیدانو او معلولینو چارو وزارت وړاندیز له مخې، محترم ملا عبدالحکیم دانش د غزني ولایت د شهیدانو او معلولینو چارو ریاست د نوي رئیس په توګه، د مالي او اداري چارو عمومي رئیس محترم مولوي کلیم الله افغان له لوري د یوې غونډې په ترڅ کې د اړوند ریاست کارکوونکو ته رسماً معرفي او خپله دنده یې پیل کړه.
محترم ملا عبدالحکیم دانش تر دې وړاندې د زابل ولایت د شهیدانو او معلولینو چارو ریاست د رئیس په توګه دنده ترسره کوله، چې د زابل ولایت اړوند د شهیدانو ورثه وو او معلولینو ستونزو او اړتیاوو د حل په برخه کې د قدر وړ خدمتونه ترسره کړي دي.
