د بغلان ولایت د اندرابونو ولسوالیو کې د شهیدانو ورثه وو او معلولینو د اسنادو د بررسۍ بهیر پېل شو
د بغلان ولایت د شهیدانو او معلولینو چارو رئیس محترم ملا احسان الله عابد په مشرۍ پلاوي، د یتیمانو، کونډو او معلولینو د تثبیت او ثبت په بهیر کې د پوره شفافیت د تأمین په موخه، د یاد ولایت په اندرابونو ولسوالیو کې د شهیدانو ورثه وو او معلولینو د اسنادو د بررسي پروسه پېل کړه.
یاد پلاوی به، د شهیدانو او معلولینو چارو وزارت د منظور شوې طرحې پر بنسټ، د یتیمانو، کونډو او معلولینو د اسنادو سروې او ارزونه په دقیق او هر اړخیز ډول ترسره کړي، تر څو واقعي مستحقین په سمه توګه وپېژندل شي.
د یادونې وړ ده چې تر دې وړاندې هم د یاد پلاوي له لوري د بغلان ولایت اړوند یو شمېر نورو ولسوالیو کې هم د یتیمانو، کونډو او معلولینو اسناد له نږدې ارزول شوي وو.
