د شهیدانو او معلولینو چارو په وزارت کې پر (۴۰۰) تنو مستحقینو باندې خوراکي مرستې وېشل شوې
د شهیدانو او معلولینو چارو وزارت په رمضان المبارک میاشت کې د مستحقو کسانو د لاسنیوي په موخه د يوې خیریه مؤسسې سره په همغږۍ په دې وزارت کې پر (۴۰۰) تنو مستحقو یتیمانو، کونډو مېرمنو معلولینو او اړمنو کورنيو باندې مرستې چې په هغه کې اته (۸) ډوله خوراکي توکي موجود وو، ووېشل.
د مرستو وېش پر مهال د ټولنیزو خدمتونو د تنظیم رئیس محترم مولوي ثناء الله فرقاني، د ټولنیزو خدمتونو آمر محترم صفي الله سدید، د څارنې او ارزونې ریاست استازي محترم محمد فاروق ځلاند او د مؤسسې مسؤلينو شتون درلود او د مرستو د وېش له پروسې څخه یې په بشپړ ډول څارنه وکړه.
