په تخار ولایت کې د شهیدانو ورثه وو او معلولینو د اسنادو د سروې بهیر پیل شو
د تخار ولایت د شهیدانو او معلولینو چارو ریاست لخوا د یتیمانو، کونډو مېرمنو او معلولینو د اسنادو د سروې او بررسۍ لړۍ په رسمي توګه پیل شوه.
یاد بهیر چې د دې ریاست د رئیس محترم قاري شمسالامین زهیر په مشرۍ پیل شو، موخه یې دا ده چې د شفافیت اصل ته پوره درناوی وشي او مستحق کسان له غیر مستحقو څخه په بشپړ ډول جلا شي.
همداراز دا سروې به مرسته وکړي چې نغدي مرستې او نور امتیازات یوازې هغه کسان ترلاسه کړي چې واقعاً ورته اړتیا لري.
د سروې په ترڅ کې به د مستحقو کسانو حقوق خوندي شي او د مرستو ویش به د عدالت او شفافیت پر بنسټ ترسره شي.
