په پروان ولایت کې پر (٤٠٠) تنو مستحقو کسانو باندې خوراکي توکي ووېشل شول
د پروان ولایت د شهیدانو او معلولینو چارو ریاست د مستحقو کسانو د لاسنيوي په موخه د یوې خیریه مؤسسه سره په همغږۍ د یاد ولایت پر (٤٠٠) تنو مستحقو یتیمانو، کونډو او معلولینو باندې مرستې چې په هغه کې اوړه، وریجې، غوړي او پنځه ډوله نور خوراکي مواد هم شامل وو، په منظم ډول ووېشل.
د یادو مرستو د وېش پر مهال د پروان ولایت د شهیدانو او معلولینو چارو رئیس محترم مولوي عبدالاحد سعد او د مرستندویه مؤسسې مسؤلینو شتون درلود.
په ورته وخت کې هغو مستحقو کسانو چې مرستې ترلاسه کړې وې د شهيدانو او معلولينو چارو رياست د مسؤلینو څخه د مننې ترڅنګ، په راتلونکي یې کې د ورته مرستو غوښتنه وکړه.
