په غزني ولایت کې د (۴۰) تنو مستحقو کسانو لپاره د حرفوي زده کړو پروګرام پیل شو
د غزني ولایت د شهیدانو او معلولینو چارو ریاست د اچ، اچ، آر، ډي نړېوالې مؤسسې سره په همغږۍ د (۴۰) تنو یتیمانو لپاره د خیاطۍ حرفې او د موبايل ترميم په برخو کې د حرفوي زده کړو روزنيز پروګرام پیل کړ.
د دې روزنیز پروګرام له بشپړېدو وروسته به، فارغ شوي کسان وکولای شي چې د کسب شويو مهارتونو څخه د خپلو کورنیو د اقتصادي ځان بسیاینې په برخه کې ګټه واخلي.
همداراز، د دې ترڅنګ د (۶۸) تنو کونډو مېرمنو سره د اقتصادي ځان بسیاینې په موخه هم مرسته ترسره شوه او هرې کونډې ته اتلس (۱۸) چرګان ورکړل شول.
