د بلخ ولایت د شهیدانو او معلولینو چارو رئیس په البرز ولسوالۍ کې د شهیدانو کورنیو سره له نږدې وکتل
د بلخ ولایت د شهیدانو او معلولینو چارو رئیس محترم مولوي جان محمد حکمت چې د البرز ولسوالۍ د شهیدانو او معلولینو چارو مدیر محترم ملا صبغت الله خطاب یې ملتیا کوله، یادې ولسوالۍ ته یې د سفر پر مهال د یو شمېر شهیدانو کورنیو سره له نږدې وکتل، هغوی ته یې ډاډ ورکړ چې ستونزو ته به یې پر وخت رسیدګي وشي.
په دې لیدنه کې، نوموړي له هرې کورنۍ سره یو اندازه نغدي مرسته هم ترسره کړه.
محترم مولوي جان محمد حکمت همداراز د البرز ولسوالۍ له ولسوال محترم مولوي سیف الله معتصم سره هم وکتل او ډاډ یې ورکړ د شهيدانو هغه کورنۍ چې له جدي اقتصادي ستونزو او ننګونو سره مخ دي، د هغوی ستونزې به د بلخ ولایت له والي محترم الحاج ملا محمد یوسف وفا صاحب سره شریکې کړي، تر څو د هغوی لپاره هم لازمې مرستې برابرې شي.
