په زابـل ولایت کې د حاجیانو د سهمیې د وېش په موخه قرعه کشي ترسره شوه
د زابـل ولایت د شهیدانو او معلولینو چارو ریاست له خوا د یو شمېر شهیدانو د وارثینو او معلولینو لپاره د حج سهمیې د قرعهکشي پروسه د یاد ریاست د رئیس محترم ملا عبدالحکیم دانـش، د شهيدانو او معلولينو چارو آمر محترم مولوي فضل الدین آغا او د متقاضیانو په شتون کې په شفاف ډول ترسره شوه.
په پېل کې محترم ملا عبدالحکیم دانش ټولو ګډونوالوته د قرعه کشي پر اهمیت او ارزښت خبرې وکړې او په یاده پروسه کې یې د پوره شفافیت ډاډ ورکړ.
د قرعه کشي په پایله کې (۱۴) تنه مستحق کسان بریالي اعلان شول او نورو ګډونوالو هم د شهیدانو او معلولینو چارو له ریاست څخه د عادلانه او شفافې پروسې د ترسره کولو مننه وکړه.
