د شهیدانو او معلولینو چارو په وزارت کې زر (۱۰۰۰) تنو مستحقو یتیمانو باندې مرستې ووېشل شوې
د شهیدانو او معلولینو چارو وزارت د یتیمانو د ملاتړ او خوندیتوب په موخه، د افغانستان لپاره د إنارة خیریه مؤسسې سره په همغږۍ د کابل ولایت اړوند د نواحیو او ولسوالېو پر زر (۱۰۰۰) تنو مستحقو یتیمانو او بیوزله ماشومانو باندې ژمنې مرستې چې په هغه کې د ماشومانو البسه او کمپلې شاملې وې، په شفاف او منظم ډول ووېشلې.
یادې مرستې د شهیدانو او معلولینو چارو وزارت د ټولنیزو خدمتونو د تنظیم رئیس محترم مولوي ثناء الله فرقاني، د پر مختیایي پروژو د تطبیق څخه د څارنې او ارزونې آمر محترم ملا مطیع الله ابوالمختار، د نشراتو آمر محترم حافظ محمد یعقوب عبیده او د مؤسسې مسؤل محترم اکرام الله صافي په شتون کې پر مستحقو کسانو باندې ووېشل شوې.
