د شهیدانو او معلولینو چارو وزارت مؤظف پلاوي په جوزجان ولایت کې د دغه وزارت د اړوند ریاست هر اړخیزه څېړنه وکړه
د شهیدانو او معلولینو چارو وزارت مؤظف پلاوي چې سرپرستي یې د یاد وزارت د داخلي تفتیش رئیس ښاغلي احسان الله حقاني کوله، د جوزجان ولایت د شهیدانو او معلولینو چارو ریاست کړنې او فعالیتونه یې په هراړخیزه توګه وڅیړل.
یاد پلاوي په دې ریاست کې د شهیدانو د وارثینو او معلولینو ثبت شوي اسناد په دقیقه توګه وڅیړل او د ثبت په پروسه کې د روڼتیا د تشخیص په موخه، د شهیدانو له یو شمیر وارثینو او معلولینو سره له نږدې وکتل او د دوی د ستونزو د حل په موخه یې لازم اجراآت ترسره کړل.
