د رهبري شورا فوق العاده غونډه ترسره شوه
وزارت د رهبري شورا فوق العاده غونډه د شهیدانو او معلولینو چارو سرپرست وزیر ملا عبدالمجید اخوند په مشرۍ جوړه شوه، په دې غونډه کې د ټولو ریاستونو کاري پلان، ګزارش او لومړيتوبونه واورېدل شول.
د غونډې په پیل کې د شهیدانو او معلولینو چارو سرپرست وزیر، ملا عبدالمجید اخوند د شهیدانو وارثین او معلولین یې د ټولنې اغېزمن وګړي وګڼل.
د څارنې او ارزونې ریاست رییس د ملي او نړیوالو موسسو د مرستو د وېش لړۍ څخه د څارنې ډاډ ورکړ او له ملي او نړیوالو موسسو څخه یې مننې تر څنګ غوښتې دي چې دا لړۍ دوامداره وساتي.
په نننۍ غونډه کې د پخواني حکومت د شهیدانو د وارثینو او معلولینو د بورسونو، اپارتمانونو، ځمکو او حج د سهمیې پر وېش بحث او خبرې وشوې.
د بشري سرچینو رییس ښاغلی محمد موسی صدیقي وویل: شهیدانو او معلولینو چارو وزارت په کابل، میدان وردک، لوګر، غزني، کاپیسا، پنجشېر او پروان ولایتونو کې له 3700 بې وزلو کورنیو سره د وریجو مرسته وکړه؛ چې دا مرستې د شهیدانو او معلولینو چارو وزارت کارمندانو، د ا.ا.ا او د پخواني حکومت معلولینو، د شهیدانو وارثینو او اړمنو خلکو باندې ووېشل شوې.
ښاغلي صدیقي زیاته کړه چې هغه ښځینه کارکوونکې چې پخواني حکوکت کې له یاد وزارت سره کار کاوه اوس کولاس شي چې په میاشت کې دوه ځلي وزارت ته تشریف راوړي او خپله حاضري لاسلیک کړي؛ او همدارنکه د بریښنایي پېژندپاڼې چې تېر حکومت کې بایومټریک پروسه یې ختمه شوې وه اوس چاپ شوي دي او دمګړۍ پر خلکو وېشل کېږي.
د غونډې په پای کې د شهیدانو او معلولینو چارو سرپرست وزیر ښاغلی ملا عبدالمجید اخوند له اړوندو ریاستونو څخه وغوښتل چې د شهیدانو وارثینو او معلولیت لرونکو وګړو ته د ښه خداماتو په وړاندې کولو کې په پوره ایماندارۍ او اخلاص کار وکړي.
