د ملاتړ او خدمتونو وړاندې کوونکې مرستيالې، په کابل کې د ترکیې د سرې میاشتې ټولنې له رئيس سره وکتل
د ملاتړ او خدمتونو وړاندې کوونکې مرستيالې، په کابل کې د ترکیې د سرې میاشتې ټولنې له رئيس سره وکتل
نن چهارشنبه د سلواغې په ۲۹مه، د شهیدانو او معلولینو چارو وزارت د ملاتړ او خدمتونو وړاندې کوونکې مرستيالې جمیلې نورستانۍ، په کابل کې د ترکیې د سرې میاشتې ټولنې له رییس فرید احمد ضیا سره وکتل او په مهمو او اړوندو مسايلو يې خبرې وکړې.
په پيل کې آغلې نورستانۍ د ترکیې هېواد د همکارۍ او دوامداره مرستو له امله مننه وکړه وويل: د شهیدانو وارثین او معلولیت لرونکي وګړي د ټولنې محروم قشر دی او لا زيات ملاتړ او لاسنیوي ته اړتيا لري.
نوموړې له ښاغلي ضيا څخه وغوښتل، چې د ياد قشر لپاره د تخنیکي او مسلکي زده کړو، کارموندنې، ترکيې ته د تداوۍ په موخه د معلوليت لرونکو وګړو لېږلو او هغوی ته د تحصيلي بورسونو برابرولو برخو کې د پاموړ همکاري وکړي.
د ترکیې د سرې میاشتې مشر فرید احمد ضیا، ژمنه وکړه چې په نږدې راتلونکې کې به د شهيدانو او معلولينو چارو وزارت سره په همغږۍ به په افغانستان کې د معلوليت لرونکو لپاره خپلې بشري مرستې پیل کړي.
