د شهیدانو او معلولینو په چارو کې د دولت وزیر لعل الدین اریوبی او ور سره مل پلاوي لوګر ولایت ته سفر او د ادارو له استازو سره ناستې!
د شهیدانو او معلولینو په چارو کې د دولت وزیر لعل الدین اریوبی او ور سره مل پلاوي لوګر ولایت ته سفر او د ادارو له استازو سره ناستې!
د شهیدانو او معلولینو په چارو کې د دولت وزیر د ولایتي سفرونو په ترڅ کې، د شهیدانو د وارثینو او معلولیت لرونکو وګړو د ژوند د سطحې معلومولو او د هغوی ستونزو ته د رسیدنې په موخه لوګر ولایت ته سفر وکړ، چې د ولایتي چارواکو او خلکو له تود هرکلي سره مخ شول.
په دغه سفر کې ښاغلي اریوبی د لوګر له محترم والي، محکمې، لویې څارنوالۍ، عامې روغتیا، احصایې او معلوماتو ادارې رییسانو، د شهیدانو او معلولینو چارو آمر، د شهیدانو کورنیو غړو، معلولیت لرونکو وګړو او جګړو ځپلو ځوانانو او مشرانو سره په جلا جلا ډول لیدنې وکړې.
د لوګر ځوان والي اجمل شاپور له ښاغلي آریوبي څخه مننه وکړه چې د لوګر جګړو ځپلو، د شهیدانو کورنیو له غړو او معلولیت لرونکو وګړو د وضعیت له نږدې لیدو په موخه لوګر ولایت ته راغلی او د هغوی د ژوند ښه کولو په پار هلې ځلې کوي.
نوموړي د شهیدانو او معلولینو په چارو کې د وروستیو پرمختګونو لکه ( د سیسټم برېښنايي کول، د منظمې پالیسۍ جوړول، د بروکراسۍ کمول، له فساد سره مبارزه، د اسنادو بیا څېړنه او شفافیت او له یوه ادرس نه د اسنادو ارزونه) یې وستایل او په چارو کې یې ورته د لا بریالیتوب هیله وکړه.
د شهیدانو او معلولینو په چارو کې د دولت وزیر لعل الدین اریوبی د لوګر ولسونو له تود هرکلي او مېلمه پالنې مننه وکړه او د وزارت اړوند ولایتي ادارو ته یې سپارښتنه وکړه، چې د شهیدانو وارثینو او معلولیت لرونکو وګړو د کلنیو امتیازاتو د پر وخت ورکونې او ستونزو ته د رسیدنې تر څنګ، باید د هغوی د ځان بساینې، کارموندنې او زده کړو زمینو د برابرولو په برخو کې هم جدي کار او پاملرنه وکړي.
همدارنګه نوموړي په لوګر ولایت کې د شهیدانو وارثینو او معلولینو استازو سره په د کتنو به بهیر کې وویل، چې د شهیدانو او معلولینو په چارو کې د دولت وزارت په لوګر ولایت کې د شهیدانو د کورنیو غړو او معلولیت لرونکو وګړو لياره د اسایشګاه وو، د استوګنې کورونو او د مرستندویه مالي صندق جوړولو پلان لري.
ښاغلي اریوبي زیاته کړه، چې په دولتي چوکاټ کې د شهیدانو وارثینو او معلولینو په چارو کې د دوی وزارت د یوازیني دولتي ادرس په توګه مسولیت لري، چې د یاد قشر لپاره د اقتصاد ښه کولو، د زده کړو د اسانتاوو برابرولو، مستحقینو ته د حقونو ورکولو، د فساد مخنیوی، شفافیت، د اسنادو د ارزونې پروسې د چټکتیا او په معیاري ډول د خلکو لپاره خدمتونه وړاندې کړي.
د یادونې وړ ده چې له محترم وزیر سره په دې سفر کې مل، شکرالله اکثیر د وزارت د برېښنايي سیسټم مسوول د لوګر ولایت د شهیدانو او معلولینو چارو د آمریت کارکوونکو ته د بایومتریک سیسټم لنډمهالی ټرینینګ هم ورکړ.
له ښاغلي اریوبي سره په دې سفر کې د وزارت ستر سلاکار محمدالدین قانع، د څېړنو او ارزونو چارو رييس ګل احمد عثماني، د وزارت ویاند ضیاوالحق فضلي، د وزارت د برېښنايي سیسټم مسوول شکرالله اکثیر او ځیني نور هکاران ملګري وو.
