د بامیانو ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د بامیانو ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د شهیدانو او معلولینو په چارو کې د دولت وزارت د رهبرۍ د پرېکړې پر بنسټ د بامیانو ولایت نظامي او ملکي معلولینو ته د ۱۳۹۹ کال حقوقو ورکړه پیل شوې ده.
د یاد ولایت د شهیدانو او معلولینو چارو آمریت د راپور پر اساس د دې ولایت اړوند د (۴۱۹) نظامي شهیدانو له ډلې (۸۰) شهیدانو د شپږو میاشتو حقوقو د دوی بانکي حسابونو ته لېږدول شوي دي او (۲۵۰۹۹۵۱۸) افغانۍ بودیجه ورته ځانګړې شوې وه. د پاتې شهیدانو د حقوقو ورکړې کار په جریان کې دی او ژر به یې بانکي حسابونو ته واستول شي. دوی ته (۳۹۱۸۹۱۴۱) افغانۍ بودیجه په پام کې نیول شوې ده.
(۴۲) تنو نظامي معلولینو د شپږو میاشتو حقوق ترلاسه کړي دي او دوی ته (۲۵۲۰۰۰۰) افغانۍ بودیجه ځانګړې شوې وه.
د (۱۳۰۰) ملکي شهیدانو د حقوقو په ورکړې کار روان دي او (۸۰۰۰۰۰۰۰) افغانۍ بودیجه ورته په پام کې نیول شوې ده. همدارنګه (۳۳۰۰) معلولینو ته (۱۸۱۲۰۰۶۰۲) افغانۍ بودیجه ځانګړې شوې، چې د کاری پروسې له بشپړېدو سره به خپل حقوق ترلاسه کړي.
