په کاپیسا ولایت کې پر (۵۰۰) مستحقو کسانو باندې مرستې ووېشل شوې
د کاپيسا ولایت د شهیدانو او معلولینو چارو ریاست د یوې خیریه مؤسسې سره په همغږۍ پر (۵۰۰) تنو مستحقو یتیمانو، کونډو او معلولینو باندې مرستې چې په هغه کې اوړه، غوړي، وریجې او درې ډوله نور خوراکي توکي هم شامل وو، په منظم او عادلانه ډول ووېشل.
یادې مرستې د کاپیسا ولایت د شهیدانو او معلولینو چارو رئيس محترم مولوي ګل خان ګل محمد، د یاد ریاست آمر محترم مولوي شمس الرحمن حقاني او د خیریه مؤسسې د مسؤلینو په شتون کې مستحقو کسانو ته ورکړل شوې.
محترم مولوي ګل خان ګل محمد د خیریه مؤسسې له مرستو هر کلی وکړ او له نورو خیریه بنسټونو او مؤسساتو یې هم وغوښتل چې د دې اړمن قشر په لاسنیوي کې د کاپیسا ولایت د شهیدانو او معلولینو چارو ریاست سره خپلو همکاریو ته دوام ورکړي څو د دې معزز قشر لپاره لا زیاتې مرستې برابرې او اړتیاوو ته یې په ښه ډول رسیدنه وشي.
