Waheedullah Safi visited the Ministy's clients work processes
د مراجعینو د کاري پروسو څخه لیدنه وشوه
د شهیدانو او معلولینو په چارو کې د دولت وزارت د معلولینو چارو رییس ښاعلي وحیدالله صافي د اړوند ریاست د کارکوونکو له کاري بهیر څخه لیدنه ترسره کړه.
ښاغلي صافي خپلو د اړوند ریاست کارکوونکو ته لارښوونه وکړه، چې مراجعینو سره له پخوا لا زیات ښه سلوک وکړي، زیاته یې کړه، چې د شهیدانو او معلولینو په چارو کې د دولت وزارت ټول مراجعین دردیدلي، زیانمن شوي او د شهیدانو او معلولینو د کورنۍ غړي دي.
نوموړی لارښوونه وکړه، چې د مراجعینو کارونه باید په شفاف او چټک ډول ترسره شي او د دوی د وخت د ضایع کېدو سبب نه شي. نوموړي ټولو مراجعینو ته ډاډ ورکړ، چې حقوق به یې د ستونزو په نه شتون کې په خپل وخت ورکړل او نورو ستونزو ته به یې هم رسیدګي وشي.
