د شهیدانو او معلولینو چارو سرپرست وزیر محترم الحاج ملا عبدالمجید آخند د یتیمانو د ملاتړ په موخه په جوړه شوې غونډه کې ګډون وکړ
د شهیدانو او معلولینو چارو وزارت سرپرست وزیر محترم الحاج ملا عبدالمجید آخند چې د دې وزارت د دعوت او ارشاد رئیس محترم مفتي عبدالاحد مسعود، د مالي او حسابي چارو رئیس محترم مولوي محمد امین دروېش او د کابل ولایت د شهیدانو او معلولینو چارو رئیس محترم قاري شمس الامین زهیر یې ملتیا کوله، د یتیمانو د ملاتړ په موخه په جوړه شوې غونډه کې ګډون وکړ، یاده غونډه د نداء الخیر مؤسسې له لوري د نورالهدا او امام بخاري رحمهالله دارالأیتامونو د یتیمانو د ملاتړ او د هغوی د پالنې په موخه په انټرکانټیننټال هوټل کې جوړه شوې وه، محترم وزیر صاحب د یتیمانو سره د همدرۍ ترڅنګ، هغوی سره یو اندازه نغدي مرسته هم ترسره کړه.
